السلام عليكم ورحمة الله وبركاته
البنت الناعمة
طبعاً هذة البنت وهي نايمة في غرفتها الدبدوب والارنوب كلهم في احضانها واذا قامت من النوم ما تقوم الا
الساعة وحدة الظهر واللي تقعدها من النوم الشغالة وطبعا تكلمها بالانجليزي بترجم لكم وش قالت الخدامة
تقول قومي ماما وقت كثير تأخير .. والناعمة اول ما تصحى من النوم تفتح الستارة والشباك علشان الغرفة
تتنفس وشغلت موسيقى رومنسية علشان يكون الجو رايق وتاخذ حمام محترم وبعد ما تطلع من الحمام على
المراية تحط من ها الكريمات والصبغ .. لازم تحافظ على البشرة .. خلصت من المراية وتتجة الى الاستشوار
وبعدين تلبس البنطلون الجنز والبلوزة .. وتنزل تاكل الفطور اللي يكون عبارة عن دونت وعصير برتقال
البنت الدفشة
تقوم الساعة 8 الصبح وهي ما ودها تقوم وتدخل امها عليها بالغرفة وتصرخ عليها قومي شبعتي نوم ترد
الدفشة على امها .. زين زين الحين بقعد وتقعد تأفففففففف ويطلع من فمها نار .. بالاضافة الى انها وهي
نايمة كل دقيقة تطيح من على السرير .. وبعدين يدخل اخوها الصغير ويصرخ وجع يالله كفاية نوم .. ترد
عليه : اطلع من الغرفة والا ارميك من الشباك الحين .. المهم اخوهااللي اكبر منها يروح لها الغرفة يرفسها
وبعد تلك الرفسة العنيفة تصحىمن النوم
البنت الناعمة
ما تتغدا الا الساعة 4 ولا 5 ولا تتغدىالا على عيش ابيض مسلوق وسلطه تحافظ على رشاقتها
البنت الدفشه
تتغدا الساعة12 بالضبط ولا تغداء الا الكبسه ولحم او دجاج واذا خلصت تشرب الببسي شربة واحدة
يعني ما في مجال انها تتنفس .. وما تسمع الا اصوات مخفية
البنت الناعمه
طلعتها تكون بعد صلاة المغرب ما تطلع العصر تحافظ على البشرة من ضوء الشمس
البنت الدفشة
تطلع الساعة 2 القايله تروح مشي لبيت خوالها لحد ما تنقلب سمرة
البنت الناعمه
تروح ستار بكس اوي كافيه وقبل لا تطلع تمر على الصالون تحط هذاك الميك اب
البنت الدفشة
تحط كحل يلا العين والروج تقول ماكلة انسان واذا بتروح تروح السوق ولا سوق الحراج
البنت الناعمه
اذا تبي تضحك تقول ( هههههههههه ) ويدها على فمها من الخجل والضحكه من الصعب انك تسمعها
البنت الدفشة
ها ها ها ها .. والحارة الثانية تسمعها
البنت الناعمة
اذاتحب تسمع اغاني ما تسمع عربي ما تسمع الا ريكي مارتن طبعا لانه حلوو وممثلها المفضل
توم كروز لوسامته وميل جبسون وجيم كاري لخفة دمهم
البنت الدفشة
ممثلها المفضل بو هلال وعبدالناصر درويش ومطربها المفضل خالد الملا ومزعل فرحان
البنت الناعمة
لما تتفرج على التلفزيون تقعد على الكرسي وتحط رجل على رجل وتبتسم لان الابتسامه تضفي
بشاشة على الوجه
البنت الدفشة
تنسدح على الارض وتحط راسها على المخدة وتمد رجلها وتحطها على التلفزيون واذا
بغت تغير القناة دقت التلفزيون باصبع رجلها وغيرت القناة
البنت الناعمة
اذا تبي تحلم احلام اليقضة طلعت في حديقة بيتهم وقعدت على الكرسي هزاز وقام الكرسي يروح ويرجع
البنت الدفشة
تروح بالحوش وتمد السجادة اللي فيها خمسة وثلاثين لون احمر واسود وابيض وجابت كاسة
ستة متر متروسة شاهي وفصفص
البنت الناعمة
في نهاية هالموضوع تقولكم تشاو .. او سي يو .. او بباي
البنت الدفشة
في نهاية الموضوع تقولكم.. حياكم الله .. تأمرون على شئ
موضوع: البنت الناعمه والبنت الدفشه 
الأربعاء يونيو 11, 2008 11:25 pm